Mehribanlıq úyindegi arzıwlar
Ministrler kábineti qararı menen tastiyiqlanǵan " Mehribanlıq úyi tuwrısında" ǵı nızamnıń 2-bandine kóre, Mehribanlıq úyi — jetim balalar hám ata-anasınań qarawısız qalǵan balalar ushın mámleketlik tárbiya shólkemi bolıp esapladı. Ókinish penen aytamız, házirgi kúnde Mehribanlıq úylerinde tárbiyalanıp atırǵan balalardıń hámmesi de shın jetim yamasa ata-anasınań qarawısız qalǵan balalar emes.
Álbette, miyirimge mútááj balalardıń halınan xabar alıw hár bir insán ushın hám parız, hám qarız esaplanadı. Usı jıldıń 3-mart kúni Mektepke shekemgi tálim fakulteti studentleri Taqiyatas rayonındaǵı Mehriybanlıq úyinde bayram keshesin shólkemlestirdi.
Mehribanlıq úyi tárbiyalanıwshıları, student jaslar tárepinen qoyıp berilgen saxnalıq kórinisler, ayaq oyınlar hám hár túrlı qızıqlı kórinislerdi tamashalap kewillerinde azda bolsa quwanısh sezimleri oyanıp kewilleri kóterildi. Studentler tárepinen saxnalastırılǵan saxnalıq kórinisler tárbiyalanıwshılardı jetik insán bolıp kamalǵa keliwine, bilim hám ilimniń sırların tereń iyelewge degen sezimlerin oyattı. Biz álbette isenemiz biziń balalarımızdan sawatlı, kámil insanlar jetisip shıǵadı.
Mektepke shekemgi tálim fakulteti baspasóz xızmeti
